THE RICE PARADOX
Inquirer / Sept. 13, 2019

PANSININ NATIN NA ANG RICE TARRIFICATION LAW AY PINIRMAHAN NG PANGULONG DUTERTE NOONG KALAGITNAAN NG BUWAN NG PEBRERO AT ANG INAABANGANG IMPLEMENTING RULES AND REGULATIONS AY NAILABAS LAMANG NOONG MAYO. PERO NOONG JULY 4 O HALOS ISANG BUWAN LAMANG MATAPOS ILABAS ANG IRR, INANUNSYO NG BUREAU OF CUSTOMS NA NAKA-KOLEKTA NA AGAD ITO NG 5.9 BILLION PESOS NA BUWIS MULA SA 1.43 MILLION METRIC TONS NG IMPORTED NA BIGAS MULA SA MGA PRIBADONG RICE TRADERS.

PAANO NANGYARI ITO KUNG ANG IRR AY INILABAS LAMANG NOONG MAYO? ILANG SOURCE MULA SA SEKTOR NG AGRIKULTURA ANG NAGDUDUDA KUNG PAANO NAGAWANG MAG-ANGKAT NG GANOONG KADAMING BIGAS SA LOOB LAMANG NG ISANG BUWAN MATAPOS ILABAS ANG IRR.

ISA SA MGA REGULASYON NG IRR AY ANG PAGBABAWAL SA MGA IMPORTER NA MAG-IMBAK O MAG-IPON NG BIGAS BAGO PA MAN MAAPRUBAHAN ANG KANILANG IMPORT PERMIT. AYON SA SOURCE SA AGRIBUSINESS, ANG PAGKUHA NG IMPORT PERMIT AY KADALASANG INAABOT NG ISANG LINGGO. SA ORAS NA MAAPRUBAHAN ANG IMPORT PERMIT, ANG PINAKAMALAPIT NA MAPAGKUKUNAN NG BIGAS AY THAILAND AT VIETNAM NA KADALASANG INAABOT NG ISA PANG LINGGO PARA MAIBYAHE PAGKATAPOS MA-ORDER.

AYON PA SA SOURCE NA BIHASA SA SISTEMA, ANG MAAARING NAGING BUTAS AY ANG MADALIAN AT LABIS-LABIS NA PAG-IMPORT NG BIGAS BAGO PA MAN MAIPATUPAD ANG BAGONG BATAS. MARAMING NEGOSYANTE ANG INABUSO ANG QUOTA SYSTEM NA DATING IPINATUTUPAD NA NAGPAPAHINTULOT SA PAG-IMPORT NG HANGGANG 20,000 METRIC TONS BAWAT ISA.

ANG USAP-USAPAN AY MAYROONG MGA KOOPERATIBANG NABIGYAN NG IMPORT PERMIT SA ILALIM NG LUMANG QUOTA SYSTEM. PERO ANG ILAN SA MGA KOOPERATIBANG ITO AY WALANG KAKAYANANG PINANSYAL PARA BUMILI NG MALAKIHAN KAYA’T IBINEBENTA NILA ITO SA PAMAMAGITAN NG SUBASTA. KUNG SINONG MAS MALAKI ANG BID, SYA ANG MAKAKAKUHA NG PERMIT. SA MADALING SALITA, MALAKI ANG BILIHAN NG IMPORT PERMIT AT QUOTA SYSTEM. AT DAHIL SA PAGKAANTALA NG PAGLALABAS NG IRR, LALO PANG LUMAKI ANG HALAGA NG BENTAHAN NG QUOTA NA HAWAK NG MGA KOOPERATIBA.