EXPLAINER: BILIBID INMATES FORETASTING FREEDOM WITH NEW GOOD CONDUCT TIME ALLOWANCE RULE
INQUIRER I AUG. 21, 2019

ANO ANG REPUBLIC ACT 10592

ITO AY NAISABATAS NOONG MAY 29, 2013 NG NOO’Y PANGULONG BENIGNO AQUINO III.

INAMYENDAHAN NITO ANG ILANG PROBISYON NG REVISED PENAL CODE KABILANG ANG ARTICLE 97 NA INILAAN NG GOOD CONDUCT TIME ALLOWANCE LAW PARA SA MGA TAONG BINAWIAN NG KALAYAAN. (PERSONS DEPRIVED OF LIBERTY) ITO AY ANG MGA SUMUSUNOD:

SA UNANG DALAWANG TAON NG PAGKAKAKULONG, DINAGDAGAN ANG MGA ARAW NA BABAWASIN SA SENTENSYA NG PRESO KUNG SYA AY MAGPAPAKITA NG MAGANDANG PAG-UUGALI. KADA ISANG BUWAN NG MAGANDANG ASAL AY BABAWASAN NG 20 ARAW MULA SA LIMANG ARAW LAMANG.

SA IKATLO HANGGANG IKA-LIMANG TAON NG KANYANG PAGKAKAKULONG, GAGAWING 23 ARAW MULA SA WALONG ARAW SA KADA ISANG BUWAN NA PAGPAPAKITA NG MAGANDANG ASAL.

SA IKA-ANIM HANGGANG SA IKA-SAMPUNG TAON NG PAGKAKAKULONG, BABAWASAN NG 25 ARAW MULA SA DATING 10 ARAW SA KADA BUWAN NG PAGPAPAKITA NG MAGANDANG ASAL.

SA IKA-LABING-ISA HANGGANG SA MGA SUSUNOD PANG MGA TAON, BABAWASAN NG 30 ARAW MULA SA DATING 15 ARAW SA KADA BUWAN NG PAGPAPAKITA NG MAGANDANG ASAL.

KASAMA RIN SA BATAS ANG KARAGDAGANG PAGBAWAS NG 15 ARAW SA KADA BUWAN NG PAG-AARAL AT PAGTUTURO NA ISASAGAWA NG PRESO.

KUNG MAG-AARAL O MAGTUTURO NAMAN ANG PRESO, KASAMA RIN SA BATAS NA BABAWASAN SILA NG 15 ARAW SA KADA BUWAN NG KANILANG SERBISYO.

NOONG 2014, BINUO NG NOO’Y JUSTICE SECRETARY LEILA DE LIMA AT DILG SECRETARY MAR ROXAS ANG IMPLEMENTING RULES AND REGULATIONS AT ISINAAD DOON NA DAPAT GAWING “PROSPECTIVE” ANG PAGPAPATUPAD NITO. IBIG SABIHIN, ANG MAKIKINABANG YUNG MGA MAGKAKASALA PA LANG SA ORAS NA IPATUPAD NA ANG BATAS.

POSISYON NG HUMAN RIGHTS ADVOCATES AND GROUPS AT RULING NG KORTE SUPREMA

NOONG 2014, ILANG ABUGADO ANG KUMWESTYON SA LEGALIDAD SA SALIGANG-BATAS NG IMPLEMENTING RULES AND REGULATIONS NG NATURANG BATAS.

KABILANG SA MGA PETITIONER ANG ISANG ABUGADO NA KUMAKATAWAN SA MGA PRESO MULA SA NEW BILIBID PRISON. ITO AY ANG FREE LEGAL ASSISTANCE GROUP (FLAG) AT SI DATING SENADOR RENE SAGUISAG.

AYON SA PETITIONER, WALANG ANUMANG BASEHAN PARA MAGKAROON NG DISKRIMINASYON ANG BATAS SA MGA SANA’Y MAKIKINABANG SA RETROACTIVE APPLICATION NG BATAS.

NAGDESISYON ANG KORTE SUPREMA PABOR SA MGA PETITIONER AT SINABING KAHIT ANG MGA PERSONS DEPRIVED OF LIBERTY AY DAPAT MAKINABANG BAGO PA NAISABATAS ANG RA 10592.

PINONENTE NI ASSOCIATE JUSTICE DIOSDADO PERALTA ANG DESISYON AT INUTUSAN ANG DOJ AT BUREAU OF CORRECTIONS NA AGARANG IPATUPAD ANG BATAS.


ON MAYOR SANCHEZ

BUKOD SA PITONG BILANG NG RECULSION PERPETUA NA NANGANGAHULUGAN NG HANGGANG 40 TAONG PAGKAKAKULONG… SENTENSYADO RIN SI SANCHEZ NG DALAWANG BILANG NG RECLUSION PERPETUA PARA SA ISA PANG KASO – ANG PAGPATAY SA MAG-AMANG NELSON AT RICK PEÑALOSA NOONG 1991.

ANG KABUUAN NG KANYANG SENTENSYA AY AABOT NG HANGGANG TATLONG SIGLO. (300 YEARS)

PERO, AYON SA ARTICLE 70 NG REVISED PENAL CODE, “ANG PINAKAMATAGAL MAAARING GUGULIN NG PRESO SA KANYANG SENTENSYA AY HINDI DAPAT HIHIGIT PA NG TATLONG ULIT SA PINAKAMABIGAT NA PARUSANG IPAPATAW SA KANYA.”

“WALA RING ANUMANG PARUSA ANG IPAPATAW SA AKUSADO KUNG ANG KABUUANG BILANG NG PANAHON NG IPAPATAW SA KANYA AY PAREHO NG BIGAT AT HABA SA NAUNANG PARUSA. ANG PINAKAMAHABANG PARUSANG MAAARING IPATAW AY HINDI LALAMPAS NG 40 TAON.”