COA: CHINA FIRM GOT KALIWA PROJECT THOUGH LACKING REQUIREMENTS
INQUIRER I AUGUST 19, 2019

TATLONG CHINESE CONTRACTORS ANG NA-SHORTLIST NG MWSS TECHNICAL WORKING GROUP PARA SA KALIWA DAM PROJECT BAGAMAT ANG LAHAT NG ITO AY KULANG SA PRE-QUALIFICATION REQUIREMENTS.

ANG WINNING BIDDER NA CHINA ENERGY ENGINEERING COMPANY LIMITED (CEEC) AY LUMABAG DIN SA PATAKARAN NG MWSS NA KINAKAILANGANG MAGLABAS NG TALAAN PETSA NG MGA NAKUMPLETONG PROYEKTO NITO.

AYON SA COA REPORT, DAPAT AY NAGING MAS MAINGAT ANG MWSS TWG SA PAGTITIYAK NA ANG MGA INIULAT NA PROYEKTO AY TOTOONG NAKUMPLETO PARA MAPAGTIBAY NA ANG CHINESE CONTRACTOR AY SUMUSUNOD SA MINIMUN TECHNICAL REQUIREMENTS.

PINUNA RIN NG COA NA NAGSIMULA NA ANG CEEC NG PANIMULANG PAGKILOS SA PROYEKTO GAYA NG TOPOGRAPHIC AT GEOLOGIC SURVEYS KAHIT NA WALA PANG BISA ANG LOAN AGREEMENT.

BUKOD PA RITO, HINDI RIN LUMABAS SA RESULTA NG BIDDING ANG “CRITERIA OF COMPETITIVENESS”.

DAGDAG PA SA ULAT, WALA PA RING BISA ANG KASUNDUANG PAUTANG SA PAGITAN NG MWSS AT CHINA EXIMBANK DAHIL SA KAKULANGAN NG DOKUMENTO.

MAAGA RING IGINAWAD ANG NOTICE OF AWARD SA CHINA ENERGY ENGINEERING CORPORATION NOONG OCTOBER 11, 2018 PERO ANG NOTICE TO PROCEED AY NAKABITIN PA DAHIL SA KAWALAN NG DOKUMENTO.

BABALA NG COA, KAILANGANG BILISAN NG MWSS ANG PAGPROSESO NG REQUIREMENTS KUNG HINDI AY DAPAT BAGUHIN ANG LOAN AT DAPAT KANSELAHIN ITO.

ANG KALIWA DAM ANG NAKIKITANG SAGOT SA KAKULANGAN NG TUBIG SA METRO MANILA.

KARAMIHAN SA MGA REAKSYON AY KONTRA DITO DAHIL SA POSIBILIDAD NA PAGKASIRA NG KALIKASAN AT TIRAHAN NG MGA TAO SA LALAWIGAN NG QUEZON.

ANG IBA NAMAN AY NANINIWALANG HINDI MAKIKINABANG ANG BANSA DITO.

IGINIIT NAMAN NI MWSS ADMINISTRATOR REYNALDO VELASCO NA MAS MURA ANG PANUKALA NG CHINESE COMPANY NA 248 MILLION DOLLARS KUMPARA SA 410 MILLION DOLLARS NA PANUKALA NG JAPANESE CONSORTIUM.