PNP PROBING CASINO JUNKET OPERATORS FOR RISE IN KIDNAPPINGS OF CHINESE GAMBLERS
INQUIRER I AUGUST 15, 2019

HINDI BABABA SA LIMAPU’T-DALAWANG KASO NG KIDNAPPING NA MAY KAUGNAYAN SA MGA CASINO ANG NAITALA NG PNP MULA PA NOONG 2017.

SA DATOS NA INILABAS NG PNP–ANTI-KIDNAPPING GROUP, LUMALABAS NA NASA 119 CHINESE NATIONALS ANG NAARESTO DAHIL SA KASONG KIDNAPPING.

NAPASOK NA UMANO NG MGA GANG ANG MGA CASINO PARA MAG-ALOK NG MGA PAUTANG SA MGA NAGSUSUGAL PERO LABIS-LABIS ANG INTERES. SA ORAS NA NABIGONG MAGBAYAD ANG NAGSUSUGAL, KINIKIDNAP SILA NG MGA GANG PARA PWERSAHING MAGBAYAD.

INIUUGNAY NG PNP-AKG ANG PAGTAAS NG MGA KASO NG KIDNAPPING SA PAGLOBO NG MGA CASINO AT PASUGALAN SA MGA HOTEL GAYUNDIN ANG PAGDAMI NG MGA ONLINE CASINO OPERATORS SA BANSA.

DAGDAG PA NG PNP-AKG, HINDI BABABA SA 56 NA LISENSYADONG ONLINE CASINO ANG NAG-EEMPLEYO NG 250,000 CHINESE WORKERS HABANG NASA 30 NAMAN ANG ILIGAL NA NAG-OOPERATE.

NAGMISTULA UMANONG MAGNET NG KRIMINAL AT SINDIKATO ANG PAGDAMI NG CHINESE AT IBA PANG DAYUHAN SA PILIPINAS NA TINATARGET ANG MGA SUGAROL NA KARAMIHAN AY CHINESE DIN.

INIIMBESTIGAHAN NA NG AKG ANG KINALAMAN NG CHINESE CASINO JUNKET OPERATORS NA HINIHIKAYAT ANG MGA MANUNUGAL NA PUMUNTA SA BANSA.

ILIGAL ANG PAGSUSUGAL SA CHINA AT NAGDEKLARA NA ANG EMBAHADA NITO SA MAYNILA NA ANG MGA ONLINE CASINOS NA TINATANGKILIK NG MGA KLIYENTENG CHINESE AY ILIGAL DIN.

SA ULAT NG AKG, ANG MGA CHINESE NATIONALS NA SUMASAMA SA JUNKET AY MISTULANG TINATARGET DIN PARA MAGSUGAL SA MGA CASINO SA PILIPINAS. INAALOK NG HOTEL MALAPIT SA CASINO AT PAUUTANGIN GAMIT ANG CASINO CHIPS BASTA’T PIPIRMA NG PROMISSORY NOTE, KUKUNIN DIN ANG KANILANG MGA PASAPORTE.

KINUKUHA NG NAGPAUTANG ANG 20 HANGGANG 30% NG PREMYO NG NAGSUSUGAL BILANG INTERES SA KANYANG IPINAUTANG. KAPAG NATALO ANG MANUNUGAL, IKUKULONG ITO SA HOTEL AT BUBUGBUGIN HABANG KINUKUHANAN NG VIDEO. IPAPADALA ITO SA PAMILYA PARA MAPILITANG MAGBAYAD SA UTANG.

ILANG KASO NG KIDNAPPING ANG NAITALA NGAYONG TAON AT KARAMIHAN AY PAREHO SA REPORT NA INILABAS NG AKG. NOONG JUNE 25, ISANG 29-ANYOS NA NEGOSYANTENG CHINESE NA PUMASOK SA PILIPINAS GAMIT ANG TOURIST VISA AY NASAGIP MULA SA APAT NA KIDNAPPER NA PAWANG MGA CHINESE NATIONALS DIN.

NOONG JUNE 7 NAMAN, ANIM NA CHINESE NATIONALS ANG NAARESTO DAHIL SA KIDNAPPING AT TANGKANG PANUNUHOL SA MGA AHENTE NG NBI.

MAYO A-30, ISANG AUSTRALIAN-CHINESE NATIONAL NAMAN ANG NABIKTIMA NG CHINESE LOAN SHARKS ANG NARESCUE SA NAIA. MAY PAGKAKAUTANG ITO NA KALAHATING MILYONG PISO.