NAGPAHAYAG NG PAGKABAHALA SI DR. CECILIA JIMENO KAUGNAY NG PAGTATAKDA NG ARAW NG PAGTUTUROK NG BAKUNA SA DENGUE DAHIL HINDI PA ITO LUBOS NA NAUUNAWAAN. BINANGGIT DIN NITO NA MAY ILANG PAG-AARAL, NA ANG PAGTUTUROK NG ISANG DOSIS (DOSAGE) AY MAAARING SING-EPEKTIBO NA NG PAGBIBIGAY NG TATLONG DOSIS. SINABI RIN NITO NA MAGING ANG WORLD HEALTH ORGANIZATION AY WALANG REKOMENDASYON O GABAY SA PAGGAMIT NG BAKUNA DAHIL BAGONG-BAGO ITO SA MERKADO.

TINANONG NAMAN NI USEC. KENNETH HATIGAN-GO NG OFFICE FOR HEALTH REGULATIONS KUNG ANG TATLONG DOSIS NA ITINAKDA AT INAPRUBAHAN NG FOOD AND DRUGS ADMINISTRATION NG PILIPINAS AY PAREHO SA ITINAKDANG SCHEDULE NG MGA BANSANG KUMUHA RIN NG BAKUNA GAYA NG MEXICO AT BRAZIL. SINABI RIN NI HARTIGAN-GO NA MAAARING PAG-USAPAN ITO NG FORMULARY EXECUTIVE COUNCIL DAHIL MAAARI ITONG MAGKAROON NG EPEKTO KUNG PAANO GAGAWIN NG FDA ANG KANILANG PAGHUHUSGA.

SINABI NAMAN NI DR. ANNA MELISSA GUERRERO NA DAHIL HINDI PA SAPAT ANG MGA EBIDENSYA SA PAGTATAKDA NG DOSIS NG BAKUNA, MAAARING ISAMA ITO SA MGA KAILANGANG KWESTYUNIN SA PAGSUSURI. SINANG-AYUNAN NAMAN ITO NI USEC. HARTIGAN-GO AT HINIKAYAT ANG FEC NA TUKUYIN ANG LAHAT NG POSIBLENG KWESTYON AT ISYU PARA AGARANG MABIGYAN NG AKSYON NG KINAUUKULANG MGA TANGGAPAN.

BILANG BUOD, IGINIIT NI USEC. HARTIGAN-GO ANG KAHALAGAHAN NG PAGLALABAS NG “EXEMPTION CERTIFICATE” PARA SA DENGUE VACCINE SA LALONG MADALING PANAHON PARA MAKAPAGTULOY-TULOY NA SA “PUBLIC BIDDING”.

KAPANSIN-PANSIN DIN NA ITUTULOY PA RIN ANG PAGBILI NG MGA BAKUNA KAHIT PA IISA LAMANG ANG SUPPLIER NITO. INULIT DIN NI HARTIGAN-GO NA MAAARING HINDI SANG-AYUNAN NG BUONG KONSEHO ANG REKOMENDASYON PERO IGINIIT NAMAN NITO NA ANG PINAL NA DESISYON AY MAGMUMULA SA KALIHIM NG KALUSUGAN.

NAPAG-USAPAN DIN NA ANG HILING PARA MABIGYAN ITO NG EXEMPTION AY BILANG PAGSUNOD SA NORMAL NA PROSESO PERO HINDI NANGANGAHULUGAN NA MAGKAKAROON NG ANUMANG OBLIGASYON O RESPONSIBILIDAD ANG FEC.

AYON KAY USEC. HARTIGAN-GO, ANG REKOMENDASYON NG KONSEHO AY MAAARING MAGLATAG NG MGA DETALYADONG KONDISYON NA MAAARING MASUNOD SAKALING MAIBIGAY ANG “EXEMPTION.”


ANTIBODY TESTING

ANG ANTIBODY AY BAHAGI NG IMMUNE SYSTEM (DEPENSA NG KATAWAN LABAN SA SAKIT). ITO AY MGA MALILIIT NA PROTINANG UMAATAKE SA MGA DAYUHANG ORGANISMO SA KATAWAN GAYA NG VIRUS, BACTERIA, KEMIKAL AT TOXINS. MAY IBA-IBANG URI NG ANTIBODY LABAN SA IBA-IBANG URI NG “KALABAN NG KATAWAN.”

ANG ANTIBODY TESTING NAMAN AY TUMUTUKOY SA PAGDETERMINA KUNG ANO AT ILAN ANG ANTIBODY MAYROON ANG ISANG TAO SA PAMAMAGITAN NG BLOOD SAMPLE.


BAKIT KINAKAILANGAN ANG ANTIBODY TESTING?

• PARA MA-DOKUMENTO ANG PAGKALANTAD SA ISANG IMPEKSYON O DAYUNANG ORGANISMO SA KATAWAN

• PAG-ARALAN ANG LEBEL NG PROTEKSYON LABAN SA ISANG PARTIKULAR NA ORGANISMO

• SURIIN ANG PAGKAKAROON NG “AUTOIMMUNE CONDITION” (PAG-ATAKE NG KATAWAN SA MALULUSOG NA SELYULA)

• SURIIN ANG REAKSYON NG KATAWAN KUNG NAG TRANSPLANT NG ORGAN

• SURIIN ANG PAGKAKAROON NG ALLERGY

• BANTAYAN ANG GALAW NG IMPEKSYON O AUTOIMMUNE PROCESS