NAHAHARAP SA KASONG GRAFT SI DATING AGRICULTURE SECRETARY PROCESO ALCALA AT 23 IBA PA KAUGNAY NG ILIGAL NA IMPORTASYON NG BAWANG PAPASOK NG BANSA.

NAKITAAN NG PROBABLE CAUSE NG OMBUDSMAN PARA KASUHAN SINA ALCALA, BUREAU OF PLANT INDUSTRY CHIEF CLARITO BARON, DIVISION CHIEF MERLE PALACPAC AT LUBEN MARASIGAN DAHIL SA PAGLALABAS NG 8,810 IMPORT PERMIT PARA MULA 201 HANGGANG 2014 SA KABILA NG UTOS NA SUSPENDIDO ANG PAGLALABAS NG MGA ITO.

SA MAHIGIT WALONG LIBONG IMPORT PERMIT… 5,022 ANG NAKUHA NG IMPORTER NA VEGETABLE IMPORTERS, EXPORTERS AND VENDORS ASSOCIATION OF THE PHILIPPINES O VIEVA NA PINAMUMUNUAN NI LEAZ CRUZ NA ITINALAGA NAMANG CHAIRMAN NG NATIONAL GARLIC ACTION TEAM NOONG JULY 2013.

TUMAYONG KINATAWAN NG MGA GARLIC IMPORTER SI CRUZ SA PAMAMAGITAN NG PAGTULONG SA KANILA SA PAG-PROSESO NG APLIKASYON NG IMPORT PERMIT.

AUGUST 2013 – NAGLABAS NG RESOLUSYON ANG NGAT NA NAGREREKOMENDANG IHINTO NA ANG PAG-IISYU NG IMPORT PERMIT PARA SA BAWANG DAHIL SAPAT NA UMANO ANG SUPLAY HANGGANG SA SUSUNOD NA ANIHAN NG MARSO 2014.

PERO MAKALIPAS ANG TATLONG BUWAN, MULING NAGLABAS NG RESOLUSYON ANG NGAT NA NAGSASABING KULANG ANG SUPLAY NG BAWANG SA BANSA AT INIREKOMENDA ANG PAG-AANGKAT NG 58,240 METRIKO TONELADA NITO SA PAMAMAGITAN NG PAG-IISYU NG IMPORT PERMITS SA MGA KOOPERATIBA AT LEHITIMONG GARLIC IMPORTERS.

NATUKLASAN NG OMBUDSMAN NA ANG RESOLUSYONG PINALABAS NG NGAT AY NAKADISENSYO PARA MAKUHA NI LEAH CRUZ ANG KONTROL NG 70 PORSYENTO NG GARLIC IMPORTATION.

ANG NALALABING TATLUMPUNG PORSYENTO NAMAN NG GARLIC PERMIT NA DAPAT SANA AY SA MGA LEHITIMONG MGA GARLIC IMPORTER AY NAPUNTA NAMAN SA VIEVA AT KANI-KANILANG MGA MYEMBRO.

DAHIL SA GINAWANG ITO NG GRUPO NI CRUZ, NAMONOPOLYA NILA ANG SUPLAY NG BAWANG AT IDINIKTA ANG NAGING PRESYO NITO SA MERCADO.

NARAMDAMAAN ANG SIPA SA
PRESYO NG BAWANG NOONG UNANG BAHAGI NG 2014 SA HALAGANG 260 HANGGANG 400 PESOS KADA KILO MULA SA DATING 170 PESOS.

LUMABAS SA MGA NAKUHANG DOKUMENTO ANG KONEKSYON AT RELASYON NG VIEVA AT MGA KASAPING IMPORTER NITO. BUKOD SA DIKIT-DIKIT NA MGA INCOPORATORS, PARE-PAREHO DIN MGA KINATAWAN NITO, ADDRESS, EMAIL, TELEPONO AT IBA PA.