The Philippine Star / August 17, 2018

HINILING NI SOLICITOR GENERAL JOSE CALIDA AT NG KANYANG PAMILYA SA KORTE SUPREMA NA MAGLABAS NG TEMPORARY RESTRAINING ORDER NA MAGBABAWAL SA IMBESTIGASYON NG SENADO SA UMANO’Y PAGKAKAROON NG CONFLICT OF INTEREST SA PAGITAN NG GOBYERNO AT VIGILANT INVESTIGATIVE AND SECURITY AGENCY NA PAG-AARI NG KANYANG PAMILYA.
SA 39 NA PAHINANG PETISYON NOONG AUGUST 14, HINILING NINA CALIDA, KANYANG ASAWANG SI MILAGROS AT MGA ANAK NA SINA JOSEF, MARK JOREL AT MICHELLE SA KORTE SUPREMA ANG PETITION FOR CERTIORARI AND PROHIBITION WITH APPLICATION FOR ISSUANCE OF TRO AN /OR PRELIMINARY INJUNCTION LABAN KAY SENADOR ANTONIO TRILLANES IV.
NITONG AUGUST 1 AY NAKATANGGAP SI CALIDA NG SULAT MULA KAY SENADOR TRILLANES NA NAG-AANYAYA SA KANYANG DUMALO SA ISANG PAGDINIG PARA SAGUTIN ANG MGA ISYUNG UMUSBONG SA PROPOSED SENATE RESOLUTION 760 NA TATALAKAY SA UMANO’Y CONFLICT OF INTEREST NG KANYANG KUMPANYA DAHIL SA PAGKAKUHA NITO NG MGA KONTRATA SA MGA AHENSYA NG GOBYERNO.
SI CALIDA AY NAG-MAMAY-ARI NG 90,000 SHARES O SAPI NG VIGILANT. JUNE 30, 2016, NAGBITIW SI CALIDA BILANG CHAIRMAN AT PRESIDENTE NG KUMPANYA.
HINILING DIN NG PAMILYA CALIDA NA PAGBAWALAN NG KORTE SUPREMA SI TRILLANES NA MAGSAGAWA NG KANYANG SARILING IMBESTIGASYON LABAN SA KANILA NANG WALANG OTORIDAD MULA SA SENADO.
BUKOD DITO, GUSTO RIN NG PAMILYA NA IDEKLARANG WALANG BISA AT LABAG SA SALIGANG-BATAS ANG MGA SULAT NA MAY PETSANG AUGUST 1 NA INILABAS SA SARILING KAPANGYARIHAN LAMANG NI TRILLANES AT WALANG ANUMANG OTORIDAD MULA SA SENADO O MGA KOMITE NITO.
IDINULOG DIN NINA CALIDA SA KATAAS-TAASANG HUKUMAN ANG ISYU KUNG MAG OTORIDAD BA SI TRILLANES SA KANYANG MGA AKSYON NG WALANG RESOLUSYON MULA SA SENADO; KUNG ANG COMMITTEE ON CIVIL SERVICE, GOVERNMENT ORGANIZATION AND PROFESSIONAL EXERCISES AY MAY REGULASYON NA MAG-IMBESTIGA SA SINASABING CONFLICT OF INTEREST SA SINUMANG OPISYAL NG GOBYERNO?
AYON SA SOLGEN, WALANG LEGAL NA OTORIDAD SI TRILLANES NA MAG-IMBESTIGA KAUGNAY NG PANANAGUTAN NG ISANG OPISYAL NG GOBYERNO NA MISTULANG ISANG PROSECUTOR. WALA RIN ANIYANG ANUMANG KOMITE NG SENADO ANG NAGTATAGLAY NG OTORIDAD NA MAG-IMBESTIGA DAHIL TALIWAS ITO SA DIWA NG LEGISLATIVE INQUIRY.