BILANG PASIMULA NG MGA PAGBABAGO KAUGNAY NG SUMMIT NA IPINATAWAG NI POPE FRANCIS… INAASAHANG MAGLALABAS SA MGA SUSUNOD NA ARAW ANG VATICAN NG MGA BAGONG POLISIYA PARA SA PROTEKSYON NG MGA KABATAAN SA VATICAN CITY STATE.

2011 PA NANG ATASAN ANG LAHAT NG KAPULUNGAN NG OBISPO SA BUONG MUNDO NA MAGTAKDA NG MGA POLISIYANG MAY KINALAMAN SA PROTEKSYON NG KABATAAN, PERO SA KABILA NITO, MISMONG ANG PUNONG TANGGAPAN NG SIMBAHANG KATOLIKA AY WALANG ITINATAKDANG MGA POLISIYA.

MAGLALABAS DIN ANG VATICAN NG PUNTO-POR-PUNTONG GABAY PARA SA MGA OBISPO SA BUONG MUNDO NA NAGPAPALIWANAG KUNG PAANO IIMBESTIGAHAN AT MAKAKASUHAN ANG MGA KASO NG PANG-AABUSO.

MAGTATATAG DIN NG MGA TASK FORCE SA REGIONAL O CONTINENTAL LEVEL PARA MABIGYAN SILA NG TULONG MULA SA MGA EKSPERTO DAHIL MARAMING DIYOSESIS SA MGA MAHIHIRAP NA BANSA ANG SALAT SA TULONG-LEGAL.

LUMILITAW DIN NA REREBISAHIN NG VATICAN ANG PAGGAMIT NG “PONTIFICAL SECRET” SA MGA KASO NG PANG-AABUSO PARA MALAMANG NG MGA BIKTIMA ANG RESULTA NG KANILANG REKLAMO.

***(ANG PONTIFICAL SECRET AY ISANG ALITUNTUNIN AT OBLIGASYON NA SINUSUNOD NG MGA OPISYAL NG SIMBAHANG KATOLIKA NA NAGSASABING ANG ILANG MALALAKI AT MAHAHALAGANG IMPORMASYON SA SIMBAHAN AY KINAKAILANGANG HINDI MAILABAS SA PUBLIKO AT MAY KATUMBAS NA KAPARUSAHAN.)

MAY MGA PAGLILINAW DIN KAUGNAY NG IPINATUPAD NA BATAS NOONG 2016 NA PINAPANAGOT ANG MGA OBISPO AT MGA OPISYAL NG SIMBAHAN SA ORAS NA PAGTAKPAN NILA ANG MGA KASO NG PANG-AABUSO.