MAY KONKRETONG DIREKTIBA ANG PAMAHALAAN UPANG MAPANGALAGAAN ANG MANILA BAY. NAGLABAS ANG KORTE SUPREMA NG WRIT OF CONTINUING MANDAMUS NA NAG-UUTOS SA MGA AHENSYA NG GOBYERNO NA:

“LINISIN AT I-SAAYOS ANG LOOK NG MAYNILA AT IBALIK ANG TUBIG NITO SA SB NA KLASIPIKASYON NA NANGANGAHULUGANG MAAARI NA ITONG LANGUYAN, SISIRAN AT IBA PANG URI NG LIBANGAN. PARA ITO AY MAGAWA, ANG MGA NASASAKDAL NA AHENSYA, LALO NA ANG DENR BILANG LEAD AGENCY, AY INAATASAN, SA LOOB NG ANIM NA BUWAN PAGKATANGGAP NG NATURANG KAUTUSAN, NA KUMILOS AT GAWIN ANG KANILANG TUNGKULIN SA PAMAMAGITAN NG PAKIKIPAGTULUNGAN, PAKIKIPAG-USAP, AT PAGBUO NG IISANG PLANO UPANG BUHAYING MULI ANG LOOK. (MMDA, DENR, DEPED, DOH, DA, DPWH, DBM, PCG, PNP AT DILG V CONCERNED RESIDENTS OF MANILA BAY, 2008).”

ANG NARARANASANG NEGATIBONG EPEKTO SA KALIKASAN AT LIPUNAN AY TAHASANG PAGBALI-WALA SA NATURANG MANDATO.

KAPUNA-PUNA NAMAN ANG PAGTALAGA NG DENR SA MANILA BAY BILANG KEY BIODIVERISTY AREA NOONG 2006 NA KUMIKILALA SA MAHALAGANG PAPEL NITO SA ATING KALIKASAN.

AYON SA DENR, BUKOD SA REKLAMASYON, MAITUTURING PANGANIB RIN SA MANILA BAY ANG POLUSYON, PAGGAWA NG MGA FISHPOND, SALT PAN, DUMI MULA SA MGA ESTABLISYIMENTO AT KABAHAYAN, MAGING ANG PAGGAWA NG KALSADA.

DAGDAG PA RITO, KINILALA RIN NG DENR ANG LAS PIÑAS - PARAÑAQUE CRITICAL HABITAT CONVENTION AND ECOTOURISM AREA BILANG ‘CRITICAL HABITAT’ ALINSUNOD SA RAMSAR CONVENTION KUNG SAAN KALAHOK ANG BANSA. NAKAPAGTATAKA NA ANG ENVIRONMENT MANAGEMENT BUREAU NG DENR, ANG AHENSYANG NAATASANG SUMURI SA MGA APLIKASYON NG ENVIRONMENT COMPLIANCE CERTIFICATE AY HINDI TUWIRANG TINUTULAN ANG PROYEKTO.