WALANG KATOTOHANAN ANG ARGUMENTO NA MAPAPALUWANG NG REKLAMASYON NG MANILA BAY ANG MASIKIP NA METRO MANILA. BUKOD SA MAHAL ANG MGA ITATAYONG ISTRAKTURA SA NATURANG URBAN VILLAGES, KARAMIHAN RIN SA MGA ITO AY MGA BAGONG NEGOSYO. GAYUNPAMAN, HINDI RIN ITO MAKATUTULONG SA MGA EMPLEYADO NA NANAISING MANIRIHAN SA KALAPIT NA MGA LUNGSOD NA PUNO NA RIN NG TAO.

ANG MGA LUGAR NA MAY KALAYUAN SA ROXAS BOULEVARD AY KARANIWANG HINDI NAKAKARANAS NG MATINDING PAGBAHA PERO LAHAT NG ITO AY NAGBAGO NANG HUMAGUPIT ANG BAGYONG PEDRING. ITINAAS LAMANG SA PUBLIC STORM SIGNAL NUMBER 2 ANG NATURANG BAGYO PERO NAGDULOT NAMAN ITO NG MATINDING DALUYONG O STORM SURGE SA LOOK NG MAYNILA. AYON SA ALYANSA NG MARILATA SA MALATE…SA TINDI NG PAGBAHA…ANG MGA RESIDENTE MULA MALATE HANGGANG SAN ANDRES MARKET AY KINAILANGANG IWAN ANG KANILANG TAHANAN SA LOOB NG DALAWANG LINGGO.

TIGNAN NA LAMANG NATIN ANG GINAWANG REKLAMASYON NG DATING UNANG GINANG IMELDA MARCOS SA DAGAT-DAGATAN SA NAVOTAS. MATAPOS NITO, HALOS BUONG TAON NA ANG PAGBAHA MULA NAVOTAS HANGGANG MALABON. SA GENERAL LUNA STREET NA PANGUNAHING KALSADA NG MALABON, KAHIT TUWING TAG-INIT, UMAABOT HANGGANG TUHOD ANG BAHA.